شعر له مهندس خدامراد مرادی

نوروز خوش هاتی خیر و پا ته وه*************مردم مزگانی نوروز هاتوه

نوروز هاته وه جور جارجاران**************شاخه وفرو دول وفراوو واران

نوروز هاته وو شادی خسته دل**********آوا بیو تفاق سامان سای بلبل

شه ونم و تک تک گل و ورشه ورش**********جا ناله بلبل میاوو و عرش

ونوشه و لاله و نسرین و سوسن********کردنه بانگه واز کفتنه چوین چن

قمچه دار و ینه وه وی تازه سویر*********مشنوی و گوش گاره کو له دویر

**********

شه و آگر نوروز و خوشی ودل*************کریاوه اگر پر پویش و چوکل

له قرچه آگر و بلیزه برز**********له خوشله خوشی گیانمان نیشته لرز

توپ درست کردیم له نوو له بن**********و ته قه ل گنوژ و چن فیت فن

امجا او توپه دایمه نفتوه****************آگر نایمه مال چاره چفته وه

لی لا ذیق ذاق گمه ی توپانه***************له و لا بیوه تقه پستانه

تقه ترقه و هاژه توپانه**************امجا له شونی وقت سفره و نانه

له خوراک خوش نوسنی کردن*****له سفره هفت سین له خا رنگ کردن

جا له شون شام و امید چشت***شال خستیمه مال هاوسای ور و پشت

هاوسای دست کرم هر چی له لی بای*****خرمای مویژی گردکانی خای

دلمان نشکانن دلمان کردن شای*********خوا نکی بچو خاصیان له یای

عشرت برا گل ، یاران دلسوز***********یه بیو سرگذشت اوساته نوروز

ای عید نوروز ای سال نووه*************بوی عطر چنور ، بوژانه و لووه

یا هین برزا و پیچک و زوه******************توه رک بالویل له دالهو

همیشه خوش بیون بنیشین وشای*******خاک پای ایوه بنده خوامرای

شعر ارسالی از مهندس خدامراد مرادی

بــــه‌و ده‌ســــم بـــگــــر ده‌ردم گـــرانـــه‌
هــه‌ر ئــیــمــشه‌و یـــارد وه‌لاد مـیــوانــه‌
لـــه‌جـی ئــزرائــیــل ت گــیــانم بـسـێـن
مـه‌سـپــاره‌م وه‌ده‌س كــه‌س بــێــگـانــه
‌‌ كــه‌سـوكــاره‌گـه‌م، بــڕه‌س تـا هه‌سه‌م
تــاوێ لام بــنــیــش، ده‌ردد لــه‌جه‌سه‌م
ئــه‌گــه‌ر نــایــده‌ لام، نـــازم نــه‌كـیـشی
هــه‌ڵاڵــد نــیــه‌كــه‌م وه‌مـه‌ولا قــه‌سـه‌م

بــه‌و تـاگـه‌ر نـه‌ویـشـن گـران ده‌ردێ گرد
وه‌تـــه‌نــیـــا ژیــاو وه‌تـــه‌نـــیـــایــی مـرد
بـــیــــلا بــــزانـــن، تـــۆ یـــارم بـــویـــده‌
نه‌یـل مـه‌ردم بـویشن هه‌ر ئوخه‌ی نه‌كرد

نـه‌هاتـی و نـه‌مـه‌ن، نـه‌ سـه‌ور نه‌ تاقه‌ت
ده‌ێــنــم وه‌مــلـــد، فـــه‌رداێ قــیــامــه‌ت
وه‌تــه‌نـــیــاو بـێ تــۆ، گـیــانــم ســپــارم
یـــه‌ســه‌ ڕاد مــــردم، سـه‌رد سـڵامــه‌ت



ئـاراس جـه‌واد

نەو رۆز


شئر نەورۆز ،قۆباد جوانمیری پێشکەش وە هەرکەس ئاگر نەورۆز ڕۆشن کەێ،بخسوس کوردەکان هەر چوار پارچەێ کوردسان،ساڵ تازەتان بمارک


یاران وە خوەشی نەورۆز هاتەوە
مژدێ ئازادی دا وەهارەوە
دوارە نەورۆز، دۆنیا گردەوە
ڕەژیاس ڕوخسارێ. گۆڵ هاوردەوە
نەورۆز باوەفاس، گەردفەسڵو ساڵێ
ڕەگین کەێ دەیشتو،چەمەنو دیارێ
مەلان زندانی، دەرچین وە قەفەس
کەپوو بێ زووان،کەمانچە وەدەس
مۆژدە دەن وە یار،وە مللەت کورد
باخو هەواران،قۆنچەێ نەو هەڵگرد
کێوان سەر سەوزن،لە ئشق وەهار
ئەتر ئازادی،پەخش کەن وە دیار
ئیمساڵ دڵخوەشە،دەیشتو چەمەن زار
یاران گشت شادن وە هاتن وەهار
زۆسان گوزر کرد ،وەفراوان تاویا
نماێ تەبیئەت، پەردەێ لابریا
تماشاێ سەێران ،ئی کەژو دەیشتە
سەوزە ڕەگینە،وێنەێ بەهەشتە
فەسڵ گیانگردن،گیاوو خاکە
پەێوەن دڵداران،وە ئشق پاکە
وەهار ڕێوخوەشە،لە ئشق کوساران
ڕزگارە وە دەس، خێوسەو یەخ بەنان
شێوەێ تازەێک،گردێە سەرزەمیین
هەر وە کرماشان،تاکو خانەقین
بێستێون سەرشادە،پەێ بەرگ پەڕاو
قەندیل نێورانی،لە پرشەێ هەتاوو
هەورامان شاهو،نەکەرۆس دالەهو
داگرسیاس ئاگرو،بێوەسە هێاوهو
گشت چراخان کەن،ماڵو دیوەخان
وە نەسیم پاکو،هەواێ وەهاران
وە لەباس کوردی،چنە پێشوازی
دەسەێ دێوەتو کۆڕ،پڕ وە شانازی
سەروێن وەسەرێ،چۆپی گردە دەس
ڕازنێ ڕەشبەڵەک،تا ئاخر نەفەس
وە وەهار وەهار،مەیلێ سەما کەێ

له ئشعار دکتر سیروس قامیشلو

 سیروس قامشلو
ویل و هراگیل شاران گرد وه خوم
یاساول چول گرد باخ درد وه خوم

ده روه ن وه ده روه ن په ل په ل هناسه م
ها وه شون شه ونم له کیشه ی تاسه م

تامازروی شه تک واران پر تآوم
ریژآو دروین تکیاس له خآوم

میزان ژانم سنگ که ی له بازار
هی دوس کی بیه ن وه ژان خریدار

خه مم چاوه ری ، بازار نو من
خه مم خریدار ئی دیشت بی تومن

خه مم درده دار ، درد کاری من
خه مم آیینه چی ، نارین کاری من

خه مم تاشه وان ، هناسه ی سه ردن
خه مم کیشکچی شونالین گه ردن

هی دوس تا وه که ی سقام بو ساقی
ژارنوشان بسه ژان بکه ی تاقی

گول گول هور ها رری بایده سرکیشیم
ئه سرین بواری له تانه کیشیم

ئی تافآو ویله ، پل دا ، پلاره م
ئی سومای بی سو ، گل دا گلاره م

مودای تیژ دویریت ، کول کرد زوانم
پاییزه رو ، رو رو ، کرده س وه گیانم

گلای سوز نه مه ن لی شاخ چوله
آسوی دل سوزیا له داخ پپوله

گوور گوور ده م دریا ، کویره ی داخ و درد
تاویامه هی دوس چوی موم تاوم کرد

چوی که وان چه میام ، دنگم کفت وه تآو
هی فلک بسه ، مژن بی حساو
....
...

 شعر کا وسیخان قاسمی  پیشکش وه تمام ئه وه کسانیله دلیان ئه رای فرهنگ وآداب ورسوم ابا واژدادی خویان وه دل و گیان کوشش که ن که و ده س فراموشی نسپارید 
جامم گرد ودس
روژی پی تقدیر جامم گرد ودس
من داچلکیام گامم ناشت اوپس
چوینکه دیم وچم موی سفید زودرس
تواسامه وه سرم سامش من
هرس ومالم پیری دامش تن
پیری وبیدنگ راش کفتن اوسر
منزلگای دویرم آوردن وبر
آخ نه دست درد ماجرای پیری
ناشت نه گردنم طوق دلگیری
شوق دل چوین شوق آگر آخر شو
پله پلشن شو بارو اوصو
فلک پیرم کرد پشتم چمیاوه
گلای جوانیم نه دار کنیاوه
گوشه جرگ زامدار دل نا امیدن
سفیدی هاما سیاهیش بردن
پیری ویکجار هاما سوراخم
کم کم کم سوبی سومای چراخم
آی فلک جور خوم جرگت لت لت بو
سرت گرفتار خوصه وخفت بو
تویش وینه خوم هناسه ت سرد بو
بارخانه برزت وتوز وگرد بو
بختت بسوزی سیاه چاره بای
گرفتار غم هم پژاره بای
سا تویش جور من پیر وخسته بای
نه گیان نا امید زام نه جسته بای
سرت سر سام بو رفیق درد بای
وینه من اسیر یار بی شرط بای
جسین کویره دل کوی طاقت تاوان
بوی سوخته جرگت وگردون یاوان
تقدیم وکاکی علی گرامی وبراییل عزیزی که دویر له وطنن ودلیان ها لای فرهنگ وآداب ورسوم ابا واژدادی خویان

ڕۆژ داڵکو زووان زکماکی لە تەمام ئنسانەکان ئی کورەێ خاکیە بمارک

داڵک

حەڵاڵی توام داڵگە، وە ڕەنجو شیرت
گیانم وەفەداێ قامەت پیرت!
شەوان تەنیایی تونیشتی وەلام
ئومرو جوانییت ،فەنا بێو وە پام
درێژایی تەمەن بێ خەوی کیشای
سانیە شماردیو، هەێ کردی لای لای
من مەئشوقەکەێ سوز دەنگتم
من سەر سپردەێ دڵ تەنگتم
ئەڕا وەکونجێ ،خەمین نیشتیدە؟
چماێ وە کاروان ، وەجێ مەنیدە!
ئەێ سەراوەکەێ، پڕوە گەوهەرم
ئەێ داێراک سفەت،ئەێ تاج سەرم
وە ئەێار پاک،سالارە ژنی
وەکفر نەوت،توێ خواێ منی!
لاێق وە خوەتە،داڵگە، تاج تەڵایی
لە ڕۆژ مەحشەر،سپەڕ بەڵایی
دەسەییلت پڕئەتر،گوڵ پێوگەو ڕەێحانە
ئەڕاێ ڕوڵەکانت،حس ئومێدو ژیانە
قامەتە چەمیاگەکەت،نیشان جەفاکاریە
چەویلە بێ سووماکەت،ئارم فەداکاریە
دونیا ماڵم بوداڵگە،وە بێ زیاگو بێ کەم
ڕشنم وە ژێر پاتو،فەداێ یە تاڵ گیست کەم
ڕوشنایی چەویلم،من وە تێوە مانام هەس
تەکیەێ تەوافم خوەتی،هەتا لەی دونیا مامەس!
شاءر قوباد جوانمیری

پەنا وەو پەرچەم




یـا حـق وە هـاجـەت شــاێ کــەرەمــداران    
درێــخ نــــەکـــەی لــیــم دڵــسوزی یــــاران
وە نــاڵـە و وە نــاز گـشـت شـەو بـیـداران  
وە ڕەنـــــج و ئـــــــــەزاو  دڵ دەردە داران
یابێ خەوشی خێڵ خاس کەردەێ جاران
وه‌ جـمشـت جمــلـەێ گـشــت گــیـان داران
گــــوزه‌ر ئـێـڵ وه‌هـــار و زڵــــەێ نــازاران  
وه‌ شـەقەێ بـاڵ بـەت بـێ‌بـاک لـە واران
ســـەد دەخــیــل داوەر، دارنــدەێ کـــاران  
مـن لــــەی قــوربـەتـە وێــنــەی بــیـماران

لــە گــەل بــڕیــامــە و وێــڵــم لـە شــاران  
 بــەو دی وە خــاتــر  گـشـت خـاتـر داران
بــڕەســنەم وە جــەم، جــمــڵـەێ نــازاران  
 بــا لــەی بـــێ نــازی جــور تــاکـە داران
وەشـت نـەکـەێ دیـدەم، وێـنەێ وەهـاران
 نــەومـــە وامـــەنــــەێ کــــــونە هـــەواران    
یـــا زات زانــاێ مـــاڵ لـــە  بـــەرز مـــاوا    
تـــو خــوەت دادڕەســی لــە هـەرچێ داوا
خـاس بـپارێـز بـــەر ئـی بـاخـچـەێ ساوا    
بـەڵـکـم ئـی خـاکـە وە خـەێــر بـوت ئـاوا
پـەنـا وەو پـەرچـەم پـرشـەێ پاک خـوەر    
 ڕوژێــک کــوردەکـەێ دایـم ڕەنـج بـێـوەر
بــڕەسـێت وەو بـرج بــەخـتیـاری بـەشـەر    
 پــیــرە بــاخــەکـەێ لــە نـــو بــگـرێ بەر

2010-09-25علی مهرابی