کرن شاره گم کرن قبله گم، کرن قبله گم

کرن شاره گم

کرن قبله گم، کرن قبله گم

کرن روشنایی دل ئفسرده گم

کرن چاوگم،کرن چاوگم

کرن منزلگاه بر او باوه گم

کرن شاره گم،کرن شاره گم

کرن شاره گه ی نادیاره گم

کرن قسمه تت ذات الهی

چه نی چه ن ساله به نا نریایی

وه روژ ئه زل چی ناوت نریا

چی ناو کرن وه بالات بریا

کرن ده خیلم بیان که رازت

بیان که ئه رای پیر دمسازت

کرن دیوانم دیوانه ناوت

تشنه سازگاری آو سراوت

کرن در کفته م , درکفته شاران

چی پیو نیمه هرگز وهاران

کرن وینه ی شیر ئاماوه گوفتار

وت هه ی حسینی ریو یار فامدار

چه ئه رات بیوشم چه به یان بکه م

کامت مه نزورن تا به یان بکه م

وه تم بیوش ئه رام له که مر شوا

له توف و سه رمای نیوره گه نوا

تورشه کی و به رزای که مه رلازردی

له مال و میلکان کیانان کی

شنه ناو درون ره مه سه راوان

شوره گول ونی ته رک ته راوان

له کاروان سرا له کرن کونه

ئه را خاپور بی ئه و ماوا و وشونه

ئه رام ته ریف که له سردارانت

له نان و سفره که رمدارانت

له کار و پیشه ی سه نعت گه رانت

توپ و به چه توپ , کولت و په رانت

کرن ئه رام بیوش له دارو باخت

له هه وای بی عیب به رزی ده ماخت

کرن ئه رام بیوش له دیوا خانت

خان و خانزاده و براو باوانت

کرن ئه رام بیوش له سادات خاس

پیران کامل پاک و قسه راس

کرن ئه رام بیوش له مه ردم عامت

له مه لا و میرزای شیرین که لامت

کرن ئه رام بیوش له مه ردم خاست

زیره ک و باهوش دانه شناست

کرن ئه رام بیوش له هه ر چی خا سه

با ته مام بکه م ئی قسه و باسه

کرن وه یتی بوم وه کرنیانه

بوچه ئه پرسی شیت و دیوانه

هه ر چه بپرسی شون و نیشانه

من هه ر کرنم شار یه ی دانه

سید محمد حسینی 1378/4/12