دوسان ویاران عزیز سروده له گفتار کا وسیخان قاسمی له گهواره گوران

دوسان ویاران عزیز  سروده  له گفتار کا وسیخان قاسمی له گهواره گوران
  ومناسبت روژ اول پایز کوردی گورانی تقدیم بکمه گشتتان ضمن بمارکی ای روژه عزیزه که جز رسم ورسومات فره کونه مردم گوران ویارسانه امیدوارم خامی کلامم بنینه حساو کمبود وخت واشتباییلم نادیده بگرین بنیامین شرط نگادارتان بوت مخصوصاً او براییل عزیزه که له ولات خومان دویرن
یاران بوانم
وصفی نه اوصاف ورین بوانم
راه ورسم خاص دیرین بوانم

خاطره خوشی شیرین بوانم
یکی نه آداب ارکان گوران
جشن جم نمای مانده ورینان
پری جشن خوش ویرده سالان
چه پیر چه جوان ژن ومنالان
روژ شماری بی ذوق وشوق نه دل
پی خوشی وشادی شکوفای گل
مانگ وسال و روژ نه آ خر تاوسان
مزگانی دریان نو پایز آمان
خول خوله گوران چوین روی رستا خیز
بشارت آمای پی اول پایز
تایه نه جاران ماسیه خرمان
وبی ناز مکفت نه دیشت وهردان
باخوان بی خم باخش مکرد چول
گله ورمه و گاو ویلن دیشت ودول
نه خیل قوری تا ایل روسم
پی جا آوردن آداب ورسوم
کار بار تمام یکسر وطاطیل
پی طواف قله باره گای بالویل
تمام تفنگچی قسمی نه گوران
پی ایمام رضا پی گشت وسیران
دیشت بیوه نیژ تا پاچه نسار
پری سی دوریش میرد بی آزار
بر برون هم بیامه خوار
ماوا ومسکن سراو خویار
قلا وآینه ون بی ریا وتدبیر
مکردن سیران نه قلای زنجیر

کانی نیره وگ کانی سراوی
جای راز ونیاز کمر گا وکاوی
امجار بایم او سر گاواره گوران
ماواشان کوبی پی رسم دوران
باوه شا هاما نه پاچه کاوان
ماوای مقدس گذرگای یاران
داران کهنسال حوض وسراوی
نسیم خوشبو نه برزی کاوی
بهشت قرینه فردوس شیوه شه
پر سایه وسیور باخ میوه شه
ورنه واده وروژ یکهفته تمام
پاکوا مکردیم لیز نه پای نمام
سر واده وخت ودله بی خم
مدایم وبارا هم وخاطر جم
تقه نال اسپ لریپه تلمویت بار
تپ وتوز مویا پاچه کوپسار
بری پاپیا بری حر سوار
بری وقاطر مداشان وبار
دو صندوق وینه بار عطاران
پی بنه واسپاو جاگه منالان
ذاق ذویق خیزان شوق وذوق دل
سره نیره حر لاره ولنجه گل
ووشی وشادی ودله پر میل
مداشان وبار پی هرده دوجیل
ایواره وختی وخت خوره زرد
مشیان اومنزل وبی درد وخم
توریسکه آگر تپ ودوی دویکل
چرقه چرق چلسک وشکه چوی سر پل
کولیره پر روینم شکه اول بر
نیاز میوه ثمر اول بر
دعا میریا ولاله وآمین
وشفا خواهی پیره بنیامین
هرکسی پی ویش وفکری مشغول
هر کس وکاری وذکری مشغول
نازک نازاران تازه رسیده
خزال رفتاران له راو رمیده
منیشان وهم ورازان کردن
وکرشمهوناز دل نه پوربردن
پوران سر خوش مست جوانی
و اشاره چم و بی زوانی
پی آتیه ویشان نخشه مکیشان
بل نو خزالانکروندس نیشان
چن فرهاد دستور چن شوخ شیرین
چن لیلی آسا چن لیوه مجنون
نی مکاندا مرسیان وهم
مکفتیان نه بهر ماجرای پر خم
سالی نه تقدیر جفای روزگار
وی کیاناته من بیم گرفتار
؟؟؟؟؟؟؟؟؟؟؟؟؟؟؟؟؟؟؟؟
بلی هام فردان شیرین کلامان
حال ناس حال ناس حقجوحق گوان
رمه ساز دول کولی نغمه ساز
پری نه سما ماورد وپرواز
هر نه ایواره تا وصبحدم
ترویسکه آگر ستاران وشم
نسیم خوشبو بزم سوز ساز
شادی خوشحالی پی ساز و آواز
کراس سوز ودیز صد رنگ منمانو
نه صدر سینه تا بان زانو
نازک نوحالان نونمام ناز
سراپا گوش بین وسوز آواز
شیرین عذاران جمین پره گل
ونیش مژگان چنگ میان ودل
کوک آسا منیان پا وه نازه وه
مرخصیان ودنگ سوز سازه وه
چینی دس گردوین چینی صف و رز
ابروچوین کمان تیر جگر دوز
وشادی وخنده وکامرانی
وبزم چوپی وچپی وقلایی
صدا دای وه هم شور بزم ساز
بوی عطر وعبیر تریکه وناز
جوش جوانی کزه جرگ دل
نازاران و ناز لوشکافته گل
چاو رش چاورشان نیمنگا وناز
بن بن ریشه دل مگردن وگاز
ایسه شکسته وقامت زالم
هاز بریای زانوبی قوت بالم
جور پلنگ پیر چوین شیر دمان
شادی وذوقمن پی رسم دوران
چرخ چپی گرد اید بازارشن
اید کار وکردار اید بازارشن
شادی وصفا وذوق نه زندگانی
تا سر نمبو نه دنیای فانی
گاه شادی وصفا نهدنیای فانی
گاه ناله وشیون گاه پشیمانی
بلی عزیزان دنیا یه دمن
جور آو هالاو سرمایه خمن
او بزم وشادی وهم شادمانی
دمی بی ویرد مر نمه زانی؟

کفتیمه نه بند ضحاک ظالم
پی رسم شیرین دنیا منالم
وسیخان واتن آلوده خاکن
پی رسم ورین جرگش چاک چاکن