له اشعار شاعر عه زیز و زحمتکیش جامعه یارسان کاک علی مهرابی و مناسبت شیر زنان و مردان دلاور كورد له هر چوار پارچه کوردستان

کورپه‌ێ که‌پر کورد

بــا گـه‌لـه‌ گــورگـه‌کـان بـــزانـن، لــــه‌ی خـێل پــه‌شـێوه‌‌
ئه‌ر بـاووک مـردگـه‌س، یـه‌ک بـــڕنه‌وه‌ هـه‌س هـه‌رماێ
ڕاســه‌ گـشت کــه‌ڵـه‌پـیاگــه‌یـل ئـی خـێـڵـه‌ کــــــوشـیاس
لـه‌ نـاو کـه‌پریـک کورپەێک دیم،‌ زندەس  هه‌رماێ
لـه‌ی تـاریـکه‌ شـه‌و تـه‌لخ زمـسانه‌‌، ئه‌ر خوه‌ر نادیاره‌ 
دڵـنـیابـن، ئــومـێد وه‌ هاتن مـانگه‌شه‌و‌ هـه‌س هـه‌رماێ
ئــه‌گــه‌ر ئـاو نـیه‌ نـه‌تـرسین، ئـه‌ی یــاران هـاوسـه‌فه‌ر
 ده‌لـیـاێـک دڵ، چـه‌و تــه‌ڕ و بـێ خــه‌و هـه‌س هـه‌رماێ
لــه‌ بـی نــانـی پـه‌ریشانی، قـه‌ێوه‌ن قاره‌مانی جه‌ڕ ده‌
له‌ی خاک پڕ خه‌ێره،‌خه‌زانه‌ێ خه‌سره‌و هه‌س هه‌رماێ
راســه‌ چــه‌م پــڕ چــه‌قـه‌ڵـه‌ و چـمـانـێ چـــه‌مــه‌ری ژه‌نن
هه‌ڵو به‌رزتره‌ له‌ قه‌ندیل و قاسپه‌ێ که‌و هه‌س هه‌رمای
ئـه‌ی ڕه‌قـیـب، دڵـخوه‌ش نـه‌کـه‌ی، ئی خاکه‌ وه‌ چــوڵ بزانی
شێر هالە وێشە و هەڵو لە هەوا فکر خەزەو هـه‌س هه‌رماێ
هەر زیڕە و زاێــڵه‌‌س زاگروس‌، زەنگ زەواڵ زاڵم زڕنێت 
خاک بریاس و خوین ڕشیاس، کـوچ ڕه‌و ڕه‌و هــه‌س هه‌رماێ
خاونکارە هاتە مەڕنەوی و لە شەنگال شانامە نویسێت
دەس درێژ داوو پێشمەرگە و گریلاێ دڵ بتەو هەس هەرماێ 
ڕاسـه‌ بـڕێک تـه‌سلیمن و بـڕێک تـرسنوک، به‌ڵام ئه‌ی دژمن 
واده‌مان سه‌ربه‌ن و بنار‌‌، بزان خاوون مه‌تڵه‌و هه‌س هه‌رماێ 
کــورپه‌که‌‌ێ کـه‌پر کــورد هــه‌ڵساس، تـیروه‌ن مـناڵی فـڕداس
لــه‌ پشت قــه‌راوڵ حـــه‌ق، یــه‌ گــڕه‌ێ چــه‌و هــه‌س هـه‌رماێ

علی مهرابی سوئد

علی مهرابی سوئد