شعرێك لە کاک حوسین خلیفه ئرای ڕوژ خاکسپاری یار عزیزمان خاڵو عەلیدوست مورادی، پێشکەش وە ئەو و بازماندەگانی .

شعرێك کە لە ڕوژ خاکسپاری یار عزیزمان خاڵو عەلیدوست مورادی، پێشکەش وە ئەو و بازماندەگانی کریا. حرف ئ لە ئاخر واژەکان لە جیاتی کسرەی فارسی بریاسە کار و واژەکە رەبت دەیتە واژەیک کە وە شونیا تێت.

ته وضیح

حەرف "ئ" لە
ئاخر واژەکان لە
جیاتی کەسر( هِ)
عەربی و فارس
بریاسە کار و
واژەکە پەیوەند
دەیتە واژەیک کە
وە شونیا تیەد.

ئەرا خاڵو علیدوست مورادی

ئیمڕوژ یاریکمان هەوای یار کردگە

هوای یارانئ پار پیرار کردگە

ئیە سەردەمیکە ها لە چەن و چوین

فکر دیدارئ نادیار کار کردگە

سوار ئەسب و زین دەس وە لەقاووە

خەیالئ سەفەر لە ئی شار کردگە

تو خووا ڕفیقەل جڵوکیشێ بن

با نەویشن توریاس قین و قار کردگە

هەر دوستیك پرسی علیدوست هاکو

بویشن وەی تازە ماڵئ بار کردگە

 کوچ یەکجارەی ورەو ماوای دویر

گشت قەوم و خویشان بێقەرار کردگە

ئەو فارغ لە بەند دنیای بێمروەت

دوست و درد هجران گرفتار کردگە

قەتارئ گردون چەرخئ دونای دون

چندین پیادە و چەند سوار کردگە

مورادی یەقین بێخوف لەی ڕیگاس

چوین ڕوی وە دەرگای خاونکار کردگە

هەر چەن نابەڵەد ڕێ تەینەکەردەس

تکیە و داوو کەوسوار کردگە

دڵنیای وەسلئ یاران خاسە

لەو بون خوەی وەیتەور پاک تەێار کردگە

هاتمە دوعای خەێر بەدرەقەی ڕێ کەم

چوین من لەی کارە، خەوەردار کردگە

ناقابل هەدیەم ئی چەند کلام بی

دامیار بێدەسڵات، گردن لار کردگە

زوانئ شعرم سوست و لەرزانە

چوین وە پەشیوحال، ئی گوفتار کردگە

حسین خلیفە(دامیار)

 ئۆسلۆ، ‏14‏/01‏/2015