ياران نی دكُان مايهْ هفت دونم وانام نی دكُان
علم حقيقت ونم بي عيان داخل بيم نو جم تخت زرّ نيشان
هر يكي رَمزی ماچان پی ويشان نه قرص جنت آفتاب مكيشان
شش ذّات ازّل شش دانه مكان شش تير يك رنگ بستن نه كمان
سواری بين و دو خواز ميدان سّر حقيقت بكرو بيان
بكرو دعوای نی سَمت مَشرق بشكاوه پرهَ سّر نه هفت طَوق
چهار قاپی ياران رو نه كليسا يكيك مشكاون نی تخت صحرا
چهار نه عياران پای ديوان شاه كمر شان بستن پی عزم خزا
حون منصوری جوش ماورو نی جا اول رفتا خيز بكی نه بغدا
داود نه ديوان ها نه باز خواست مكرو دعوای حون شاه حياث
شَر شی نجامهْ زيرك ذّاتان يك سفيد بازی بشكاو و نی لان
چن نه عياران داخلن نی كار تائين بی پيشان جلاد پی كُشتار
جام جهان بين جمشيد وند وه پی قصد دعوای ضُحاك سند وه
حون سياوخش هم هو كرد وه كِشي ش نه گيجاب گِل آورد وه
فرهاد جوش مارو و ميدان وه دعواش ها نسر اميران وه
خلاصه يكسر دعوای حقمن قتل قصاصان مطلقش نين
و زور داود قالی كيم و پاه حون حقداران بستانيم نی جاه دو
سته وات نو جم تخت زّر نيشان و زور داود رمزی كيم عيان
Keine Kommentare:
Kommentar veröffentlichen