نه‌رمه‌وار ساێ سیاده‌وار

واێـه‌ێ وه‌هــاره‌‌   و گـــوزه‌ر کــورده‌مــاڵ
چـمان کـوچ   دوس   ره‌سـیه‌سه‌و‌‌ سـه‌ریاڵ
یــــاد یـــار  هــــه‌مــــراێ مـــێـوان دڵــــه‌
هــارمــونی  وه‌هـــاره‌  و زڵــه‌ێ بوڵـبوڵـه‌
گــه‌ردش گــــه‌ن،  گـــه‌ردونــه‌ێ زه‌مــان
جــور کـه‌وان  ئه‌بـروێ  پشت من چـه‌مان
چــوی لانـه‌ کـونـه‌ێ قـــه‌ێ  پـیره‌دارێــک
چــه‌وم هــالـه‌ ڕێ،  هــونـه‌ێ بـاڵـدارێـک
بــوتـه نـواکــــوچ ســـه‌رجـــه‌م بـاڵــداران
بارێ خه‌وه‌ر خوه‌ش  هـه‌ر وێنه‌ێ جاران
واێه‌ێ   خـێڵخـێزان، جمڵه‌ێ جـه‌م یاران
لــه‌ نـو گــوڵ بـکـه‌ن، گـشـت پــیره‌داران

قـەوڵ دەم هـــاوده‌می  شـێرین   جه‌ماڵان
ڕنـــه‌ێ نـــه‌رمـــه‌وار ســــاێ سیـامــاڵان
باوه‌م بـه‌ێته‌ ‌جـوش جوانیه‌که‌ێ جاران
داێه‌م که‌ێته‌‌ ‌دویه‌ت ده‌ور هه‌ژده‌ساڵان

2011-07-17 تاوسانه‌ هه‌وار بوروس جنوب سوئد علی مهرابی