وسیخان واتن ای دانه وگوهر
ای گفتار نقض ریشه دل پی کر
عزم سارام کرد
روژی پی گول گشت عزم سارام کرد
ودله خمین خسته وناتوان
نه بر دکانان ورو باندومان
کله م جوشش ورد نه بیداری وخاو
روی بنام نه راه پری زله ناو
رفیق شفیق دوس دمسازم
بین وهامراه پی دلنوازم
ورازان کردن راهان سرانسر
بره اشکفتان تا باوه سکندر
دریونم کیلن دله م هانه شور
صفا هن جه سیر باخ حاجی نصور
نصورحاجی هورامان پی کر
باخ با صفاش خوار باوه اسکندر
پی کردیم راهان چوین راویاران
لالایم نه کریم کارسازکاران
گوزرایم نه مابین چن گور چن مزار
بی صدا وخاموش بی اذیت آزار
باوه اسکنر ماوای مرای دار
ورش گلوا دان نه وخت ایوار
قرارش گردن نی تپه برزه
ماوای دل نشین پر راز ورمزه
داره وزمه کش پیر وکهنسال
مشنیو وش وش نه شنه شمال
ناشتیمن وجا ماوای پر صفا
جای راز ونیاز هم فیض هم فضا
شیایم او سراوکانی کانویره
وردیمن نه آو فردوس دسیویره
نی نیمه روژدا نوای زیرزیره
وش میو نه سر کانی کا نویره
جگر دایم جلا نه آو هانی
ویمان دیم جه ناو روزه رضوانی
دانه نه همروی سی شامرای سر شیط
ورداشتیم وفیل هم وفن وفیت
سی شامرای سر مست طوق سر قرمز
ناشت نه شونمان وهی دز هی دز
ناگاه دیار دا راویاری وناز
پی مکرد راگه وشور وشاناز
خرامان وناز شانه شانش بی
جور کل تمنای کله لانش بی
دمی سرکیشام نه خانه خیال
شیم نه بحر فکر پی تشخیص حال
من داچلکیام تواساموه
غمچه دله کی ویم ناساموه
سرم مند سرسام عقلم کردش رم
شوخ نازارم من دیم وچم
دایای خوش لحجه شیرین کلامش
هامراش بی وسوز کردم سلامش
ادام کرد سلام وآهنگ برز
تیشک دیده لیل ناشت نه کولم لرز
سیر سیرش کردم دلداران دستور
جمین جام جم.جمنمای جمشیر
گژنیژه عارق ریزه شکرپار
وش وش مدروشیا نه سرگونای یار
وزرذه خنه وعشوه واشاره
وناز وخمزه کرشمه ولاره
پاش نیا نه جار راگش کجوا کرد
نفس نه قفس سینه م سواکرد
نازش نازدار بی نزاکت فروش
کرشمه شیرین صاحب نیش ونوش
دم چمان غمچه .لیو پره گول بیز
بزانگ چوین پیکان ژار آلوی حون ریز
نگاش چوین شاباز ششدانگ شکار
نه دله م ور کند صور واختیار
بالا طویل برز خامه نونمام
شیوه دلبریش او کردن تمام
لوا وراوه شوخ شیرین طور
نه کله م برشی هوش وفام وصور
راگه هامای یار کردم اونیشان
چوین کویره حداد دریونم جوشان
چوین قیس چولگرد نرکام ونالام
گرد خاک پاش ودیده مالام
ای کیاناته من دیم وچو
چمان دمی بی وینه خواو شو
دایم چم نه راش چوین پیر کنعان
کشته تیر عشق پی شیخ صنعان
دایم همتظار ودیده ودل
یشکاوو لو لو پره غمچه گول
یا حق ننیشم پی مرگش نه خم
نشنوام وگوش نوینم وچم
ومودای خطر بر کن حیاتم
تا آخر دنیا هر وطماتم
وسیخان واتن ای دانه وگوهر
ای گفتار نقض ریشه دل پی کر
Keine Kommentare:
Kommentar veröffentlichen