 |
خالو همه خان قاسمی
باوک شاعر عه زیمان ولاتمان کا وسیخان قاسمی گهواره گوران
|
دای له دس فلک
هی دای هی بیدای له دس فلک
پتیاره پرمکر جور چوچفت وچیل
آَشوی فریبای فتنه فن وفیل
فلک توارا گیات کرد ایجاد
ارا خستیتی له راگه نهات
آخر بیدادگر بی حیای زور دار
گنای او چه بی له ای روزگار
چواشه چپگرد تاکی حیله ومکر
تونیت وخرگ گیای در ودر
گیای بیچاره آواره وخسته
ارا لخمه نان در ودر کفته
کی چرخ ظالم وفکر اوه
خودا خودای او خوچق چوه
دینی ارا چس گیای بی اعتبار
لباس شر و ور وتالی گفتار
خویای اوکیه پخمری کامه
خرگ وسری روزی هاله کو
هامسری بی نویر منال طام زرو
منالی رویدار وینه قاپ تویش
گشت هراسانن له بی نویری رویش
نه دوس نه رفیق نه یار غمخوار
خویش وبیگانه له نویری بیزار
قومل وخویشل له لی کن دویری
حوالپرسی نین مر ومجبوری
نه دوس نه رفیق نه فامیل نه کس
کی پرسن حوال شخص تهیدس
چراخ ناومال ندار وبیکس
له جای روشنایی تاریکیی فرس
خوارکی نوژی یا نوخه صویرس
زیور ژنکی زنگیانه ومویره س
شوالی هاپای جور گونی شره
مویش له ناومالی هوانه دره
مویشیچ بدبخته کمیکیچ موزی
هوانه خالی ودندان گزی
ارا دریتی خودا وپیت وات
یا تویچ جور او بختت ها نهات
اگر روسم بوت یوسف لقای بو
له صوتا ایوار خودا خودای بو
رفتاری سنگین گفتاری خاص بو
هوشی چوین صراف گوهر شناس بو
چوینکه کم دسه جور ژار ماره
سهراب صولت بو دایم هر خاره
کسی خونانی محلی وه لی
هر قیمشری مکن وهاوری
خلاصه له صوتا وایواره
چوین گمال رمی خسته وآواره
له شون لخمه نان ارا منالی
اسپ باربره حاشا له کاری
یا بیل ودسه یا قلنگه وشن
یا جاروکیشه گن وگوی رشن
یا شاگرد آشپز یا پادودکان
هاله تق ودو ارا لخمه نان
قصه سرد وسوک ناپیای وناکس
جور حیوان کیشی اویشی ای قی چس
شاید بتوانم چوار تمن درآرم
ارا خرجی ونان مال ومنالم
چوارتمن در تیری جار جار شکر کی
خویای بی چورویچ هم خاص وپی کی
آخر بیچاره شکری چنی کی
بدبختی جور توی گنی قوی کی
منت بار چی بیچاره کم هوش
ارا اندرزم ناگریته گوش
توگن گوی رشنی دایم شکری کی
روژ و روژ بیشتر گنی قوی کی
گیفانت درنی حقه کت گم بو
سر له لیت شیوی خرگت خس بو
له کویچه وبازار وینه گیج و ور
پریشان حال ودس خالی ودلپر
نازانی چبکی چوی روی نیته مال
چه جور تامل کی رنگ زردی منال
سری خیته خوار هاوار له نهات
تقه دی له در پرشوکیای ومات
ژن تی در واز کیت جور گمال پاس کی
له جی خیرهاتی قصه ناخاص کی
چوته ناومال دانیشیه زمین
اویشی ارا چه نیشتیه خمین
چمان هم فن دی مر چه کردیته
نکنه ژنی تر پیا کردیته
یا درآمد خرج مال ومنالت
دایتسه تلیاق حاشا له کارت
ژن هر چیقنی جور جور سگ هله پاس
هاوار در تی جور انتر نسناس
پیایکه اویش..
با سیکاری چاخ کم تکی آو قویط دم
تفسیلات اوسا بی زیای وکم
ارات تاریف کم چه هاته سرم
کوس له بان کوس کفتیسه ورم
ار قانع نویت اوسا بچیقن
جور روی ژان دار تا صو بویقن
ژن آموشوه بوت له شون قیل وقال
هر خوته خوتیه جور کیوانو تال
ژیروانی گلیم سرین لافه شر
بالشت سفت وسخت جور پاره آجر
پیای نک ناهمی سر بیته ژیر لاف
بوی نفت وبوی گن بی لاف وخلاف
تیته لویتیا دم دم وژم ژم
بی له بی بتر فامی موو کم
ژن هر خوتنی پریشان خاطر
وینه کیوانوی گم کرده مامر
وختی بد بختی روی بکیته کس
علاجی ایسه بمریتنو بس
تف بکن له نویر گیای خیال خام
تا درچوت له ای تله وتور ودام
تا فکری بکی وحال زاری
مر وزور وا بو گری له کاری
حق خوی ثابت کی و لویله تفنگ
ظالم فنا کیت ومبارزه وجنگ
سینه سپر کیت وای حال وحوال
حاشای بت بکیت درو کی بطال
وخودا خودا ولاله والحا
زردی له گونای کی بوت وجدا
بت پرستی توتا کی هادوام
کمی فکر بکه مغزت بار وفام
اگر حاشا کم کار وکردات
دلم سوزیاگه ارا احوالت
وسیخان توخوت گیا وکم دسی...............بی نان وبی آو بی فریای رسی
دوستان باور بفرمایید یه جورهایی احوالات کارگران بیکار وتهیدست ورنجبر در مملکت بازسازی کرده ام .
Keine Kommentare:
Kommentar veröffentlichen