هو اول و آخر یار
وای هور سیه هات بان خور پوشا
زیوخ دلتنگی له درون جوشا
جم یارسان باده ی خم نوشان
مریدیل تمام آذیتی پوشان
هاوارو رو رو گوش فلک کر کرد
اسرین چوین دریاله زوی ری گرد
یا سلطان یه چوی خمینم کردی
یه چوی بیچاره زمینم کردی
چوی وه دام خم اسیرم کردی
یه چوی امید یارسان بردی
یه چوی شم جم یارسان بردی
کپویل دوری سرگردان کردی
شان یارسان له هجری لنگ بی
دل عارفیل زمانه تنگ بی
یاسلطان تو خود وه دادمان برس
پیرمان بارکرد غصه مان فرس
لی ظلماتو لی گنی وقته
سید پیر مردن ارامان سخته
یاران دلگیریم دل عزاداره
دل وه فراق یار گرفتاره
آمان له دس ظلم روزگار
چوی وه مصیبت بیمن گرفتار
پیر جمخانه له لامان بار کرد
وه بار کردار روی وه مزار کرد
"وجدان"له هجری خوین تی
له چوی دادو فغانه له صو تا شوی
نابغی دوران آسید قاسم
و ارشاد تو رای حق شناسم
خاس کرده ی درگای ابراهیم سویر
سرچشمه ی عرفان. منزلگای نویر
تفسیر کر دین . کلامو دفتر
روشنی طریق سلطان سرور
پیر پایه برز راگه ی حقیقت
فرزانه ی عاقل شیوه ی دیانت
آسید قاسم ستوین یارسان
دانشمند دین جنت المکان
راهنماو راهبر پیر حق پرس
له شونت دی کی بوده فریادرس
مایه ی افتخار یارسان خود بید
دلخوشی ایمه له جهان خود بید
بیجگه رای یاری مرامد نوی
بیجگه حقیقت کلامد نوی
ارا یاراند تو کیشای جفا
جم یارسان کردی باصفا
و ضد تفرقه یاران جم کردی
نفاق و کینه ی بینیان کم کردی
له دشمنیلد نیاشتی هراس
کلامد حق بی وه صدق و اخلاص
ری خاص و گن مشخص کردی
وه دنگ پرسوزت گشتی مس کردی
مردم آشنا وه یاری کردی
یاریل دلخوش وه دینداری کردی
بارگای ایمامیل تازه ساز کردی
ری عبادت مردم واز کردی
وه شون زحمتیل چندینو چن سال
زمانه ی فانی تو کردی بتال
سید وه نور بان شاند قسم
سید وه روحو رواند قسم
وه نجابتو احترامد قسم
پیر وه تمویره و کلامد قسم
وه قدرو مقام پیرانه د قسم
وه مناجات شوانه د قسم
وه رمز سینه و دل پاکد قسم
سید وه قورو وه خاکد قسم
وه پایه و مقام برز جدد قسم
وه کرداریل بی حدد قسم
قسم وه عشق و موری سیولد
وه خاک ایمامه یل له روی تیولد
ای دلباخته ده له شوند ویله
دی وه زندگی دنیا بی میله
تا روژیگ "وجدان"بکیشی نفس
عشق تو دایم له ناو سینه ی هس
شعر ازکاکی سهام الدین منصوری بیوه نیجی"وجدان"
Keine Kommentare:
Kommentar veröffentlichen