لە دیدەن ئێڵاخ دیـدەم نەویە تێـر
کـوچ لـەیـل ژەنێ سـاز سـەرەو ژێـر
ده‌نـگه‌ێ قازقـوڵه‌نـگ، ئێواران دێـر
وەت خێل‌خێزانە، زڵەس گەرمەسێر
لـە شون کـوچ یار، چوڵـە ئی هەردە
روخسار دارانیـچ لــە داخـێ زەردە
زانـوم بـێ هازە و دڵ پـڕ لـە دەردە
وێـنەێ یەخبەنان، هەناسەم سەردە
دوس نادیار و بێ‌دەنـگ بی دەروەن
ئێڵاخان‌چوڵ‌بی، دڵتەنگ بی وەتەن
نـاڵـەێ گـەنـاسر قـوقـو لـە سـەربەن
لـە کـوچ ئێلەیـل ئێـڵاخ خـەوەر دەن
بو بڵچ و بەڕوی،زەردی وەڵگ داران
واژاو گــوڵ نـەرگس شونـە هــەواران
نەمـەن کـوردەمـاڵ دی لە کـوساران
خـەمین بـیـم لـە داخ دوری نـازاران
مـن لــە گەرمــەسێـر، دایـم قــاچاخم
پـائیـزان دڵـتـەنــگ چــــوڵـی ئـێڵاخم
خـەزان خێـزانــەو بـێ بـەرگـە بـاخم
تـا وەهـــارێـکتر هـــەر ئـــویشم داخم
خـێڵ لەیـل لـە نــو، بـانـەو ڕا باخان
دووارە خـوەش بکەن، بەزم ئێڵاخان
لە داووان ده‌یشت، تا وە سـەرشاخان
لــە وەر پـاێ بـکـەیم، ئـێلاخ چـراخان
2010-09-22 سوئد علی مهراب
Keine Kommentare:
Kommentar veröffentlichen