ژاری - كوردي روستای اسياو تنوره بيونيچ

رووزی پیای ده‌وله‌مه‌نی ، کوره بوَچگه‌گه‌ی وه‌لی خوه‌یا ئرا دیه‌که‌ی برد تا وه پی نیشان به‌ی مه‌ردمی که‌ له‌وره ژیه‌ن چه‌نی فه‌قیرو ژارن. ئه‌وان چین و یه‌ی شه‌و و یه‌ی رووژ له ماله بوچگله‌ی یه‌کی له مه‌ردمی دیه‌که ئه‌و سه‌ر بردن.

دوَای ئی سه‌فه‌ره و له‌ری ی ئه‌و هاتن ، پیا له کوره‌گه‌ی پرسی : له باره‌ی ئی سه‌فه‌ره چه ئوَشی؟"

کور جواو دا فره فره خوه‌ش بوَ باوگه."

باوگ پرسی: ئایا وه‌چوَنیه‌تی ی ژیان مه‌ردمه‌گه نورسی؟"

کوره‌گه‌ی وه‌ت: فکر که‌م نورسم."

باوگی وه‌ت : روله چه‌له‌ی سه‌فه‌ره یاد گرتی؟

کور که‌می فکره‌و کرد و وه‌ت: ره‌سیمه‌و ک ئیمه له مالمان یه‌ی سه‌گ دیریم و ئه‌وان چوار گله دیرن ، ئیمه له ناوی هه‌وشی مالگه‌مان یه‌ی حه‌وز ئاو و یه‌ی ئاوپه خشان دیریم و ئه‌وانه چه‌می ئاوی دیرن ک بنی نیه تیه‌ی .ئیمه له ناوی حساره‌گه‌مان چراخی فانوس دیریم و ئه‌وان هساره‌یلی ئاسمان دیرن . هه‌وش وحساره‌گه‌ی ئیمه له چوار باله و وه دیوار دابریایه ولام باخی ئه وان بی په‌یه !"

له ئاخری قسه‌یلی کوره‌گه زوانی پیاگه چی وه گته‌و و بربوَ. کوره گه وه‌ت : ده ستت ده‌رد نه‌که‌ی باوگه ک وه‌م نیشان دای ک ئیمه چه‌نی ژار و فه‌قیریم.