عه‌لی مهرابی
هه‌رکه زوان ئه‌جدادێ وه کامێ نیه
بنجك بێ ریشه‌س و ده‌وامێ نیه
ئه‌و یار فرووشه هیچ مه‌رامێ نیه
شیر و ڕه‌نج داڵک هه‌رامێ بیه
ژار بێگانه‌یل پڕ جامێ بیه
خوین پاك له ناو ئه‌ندامێ نیه
کوشیاگه و به‌ڵام شوون زامێ نیه
په‌ن پرسه و شین و شه‌وشامێ نیه
ئه‌ر تو نه‌زانی چوی بنیادت نریاس
وه چ زووانێ لای لای رات کریاس
ئاوت له سه‌راو کام کانی گریاس
شیرت له میوه‌ێ چ دارێ چنیاس
خاك و ئاو نه‌ێریت قه‌واڵه‌ت دڕیاس
به‌رگێکه وه قه‌د باڵاێ خوه‌ت بڕیاس
بێ شوون دونیت و پێڵ پشتت ڕمیاس
له کنار که‌نێک قه‌ورت هه‌ڵکنیاس
Keine Kommentare:
Kommentar veröffentlichen