بـــا گـــه‌لــه گـــورگــه‌کــان بـــزانــن، لــــه‌ی خـێـل پـــه‌شـێوه
ئــه‌ر بــاووک مــردگــه‌س، یــه‌ک بـــڕنــه‌وه هــه‌س هـه‌رماێ
ڕاســـه گـشت کـــه‌ڵـــه‌پـیاگـــه‌یــل ئــی خــێـڵــه کــــــوشـیاس
کـــورپـه‌ێـک دیـم لــــه نـاو کـــه‌پریـک، ئــه‌و هـه‌س هه‌رماێ
لـه‌ی تـــاریـکه شـــه‌و تــه‌لخ زمـسانه، ئـــه‌ر خــوه‌ر نادیاره
دڵـنـیابـن، ئــومـێد وه هــاتـن مــانــگـه‌شه‌و هــه‌س هــه‌رماێ
ئــــه‌گـــه‌ر ئـــاو نـیه نــه‌تـرسین، ئـــه‌ی یــاران هـــاوسـه‌فه‌ر
ده‌لـیـاێــک دڵ، چـــه‌و تــــه‌ڕ و بـێ خــــه‌و هـــه‌س هـه‌رماێ
لــه بـی نــانـی پــــه‌ریشانی، قـــه‌ێوه‌ن قــاره‌مــانی جه‌ڕ ده
لـه‌ی خـاک پــڕ خـه‌ێره،خـه‌زانه‌ێ خـه‌سـره‌و هه‌س هه‌رماێ
راســه چــــه‌م پـــڕ چــه‌قــه‌ڵـه و چـمـانـێ چـــــه‌مــه‌ری ژه‌نن
هــه‌ڵو به‌رزتره لــه قـه‌ندیل و قـاسپه‌ێ کـه‌و هه‌س هه‌رمای
ئـه‌ی ڕه‌قـیـب، دڵـخوه‌ش نـه‌کـه‌ی، ئی خاکه وه چــوڵ بزانی
ئـبنول‌ئـه‌جـه‌م مـرادی و پـیروز ئـه‌بوله‌ولـه‌و هـه‌س هه‌رماێ
زه‌نـــگ زه‌واڵ زاڵــم زڕان ، زیـــڕه و زاێــڵه‌‌ێ زه‌رب زه‌مـانه
خاک بریاس و خوین ڕشیاس، کـوچ ڕه‌و ڕه‌و هــه‌س هه‌رمای
ڕاسـه بـڕێک تـه‌سلیمن و بـڕێک تـرسنوک، به‌ڵام ئه‌ی دژمن
واده‌مان سه‌ربه‌ن بنار، بزان خاوون مه‌تڵه‌و هه‌س هه‌رماێ
کــورپه‌که‌‌ێ کـه‌پر کــورد هــه‌ڵساس، تـیروه‌ن مـناڵی فـڕداس
لــه پشت قــه‌راوڵ حـــه‌ق، یــه گــڕه‌ێ چــه‌و هــه‌س هـه‌رماێ
2011 -09-08 علی مهرابی
Keine Kommentare:
Kommentar veröffentlichen