داوا هی داوا ، داوا کاریمن

داوا هی داوا ، داوا کاریمن
له دور ئی شوله نارین کاریم ن
ذاخآو زوان وه رگ یاریم ن
پاکتآو له ئاگر طانه باریم ن
شون یار بردم تا وه دل ویش
بیزار نه کفتار منی م بی اندیش
میدانداری که وه شون شون بران
بازگیری بازن هر روژ نی میدان
هر کس ها وه شون یه ریی و رایی
م هام وه طمای بسوی کولگایی
کلاوه ی سر بن ، صیادی ژارم
کمانداری وخت ، شه وه ق کردارم
ئی دلوه و دامه ، زورداره و پر فن
دامیار هر خویه له آسوی هر بن
متاوان زوان له کویری پر جوش
میاوان وه فر ، چوی بان وه خروش
پناه باورم وه خشتی نی کان
گنج خزینه دّر لا مکان
خروار خروار سّر کو بستن نه رو
مات و مدهوشم وه تان و وه پو
کی طاقت بارو نی تاوش تاو
کی سرمس نبو ، نی جام ، نی سرآو
چول بیاوان بیه وه یانه م
ماطل پی شنه ی بال پروانه ام
مجنونی م ژنی یه دور نوم ن
طرز خاونکار ، نه پنجه ی صوم ن
شه وه ق دا وه گیان هوهو بلبلان
لیل آوم رَمیا له باخ چاوان
سرآوم پر تاف ، تا مینگه ی لیل ن
بنه جو وازن ، خَور هلات کیل ن
هرده وه هرده شون بر لیل م
پرده وه پرده نغمه ی سویل م
لو لو هآودنگ هساره ی روژم
لالا شو تا صو ، چوی نار وه جوشم
ئی داوه تنگه ، ئی مانگه چوله
تا شوله ی گیانم منی ش وه کوله