کورد و سێدارە..کاوە خوسرەوی

کورد و سێدارە

لە ناچارییــە مەرگ و ســێدارە
ڕێ ئــازادیــیـە ئــــەڕا وڵاتــــم
با لەشم بکوشن ڕوح من نۊرە
هەرگز نامـرم من ڕوژهه‌ڵاتـــم

سەرم بــەرزە مـن لـە ڕێ ئازادی
هەوڵـدانم فەرزە ئەڕا نیشـتـمان
با قــوربانی بــم لــە ڕێ ڕزگـاری
بەشکەم ساڕێژ بوو زام گشتمان

من و ئازادی لە یە سەرچاوەیم
ئەو دژ بێدادی من ئاشتیخوازم
لە ڕوژ ئەزەڵ هەتاکوو ئیسە
من تەنیا وەگەرد ئازادی سازم

ئەڕا داگیرکەر سەرم خەم ناکەم
بێترس گرمەوەر ڕاگەێ نەجاتم
جوور ڕوژ ڕوشن لەلیم ئاێانە
وە مەنزڵ ڕەسێ کاروان خەباتم

کاوە خوسرەوی 2013.10.29