دیاری
ئ
مشتێ خاک و دانەێ هەنار
وەدیاری بار،
تا دڵتەنگییەیل بێ پایانم
بێقەراری ڕوح و ئازار گیانم
ئەڕا خاکم باس بکەم.
وە تام هەناریش
ساتێگ بچمەوە دووخ مناڵیم
دەوران گەمە و بێخەێاڵیم
تا لە ساێ دار سەوڵێگ،
لە ناو سەمفونیاێ سەوز زاگروس
یادێگ لە یاران خاس بکەم.
لە میلکان من
خاک و ئاێەم و هەنار
لیسک خوەر، باڵاێ سەوز دار
شەوق ژیانن،
بەڵام لەێرە، وەسەرهات ئییانە
ئەڕا کی باس بکەم؟!
سفرەێ دڵم چۊ واز بکەم.
ژیان ئەسیر زمسانە و
ڕوح ئنسان بەشێگە لە یەخبەنان.
20131017 کاوە خوسرەوی
Keine Kommentare:
Kommentar veröffentlichen