هونه ر هوره ئه را

فه راموش کریا گه

هونه رمه ند هوره چر مرحوم ئه ولعه زیز حه یده ری یه کی له ئه و هونه رمه ند گه ل گه وره و که م نمونه سه که متاسفانه له جامعه کورده واری ئیمه فره بایخ وه پی نه یریاگه س وه قدر ئه را هونه ره که ی دا نه نانه. هونه رمه ند کاک ئه ولعه زیز یه کی له ئه و معدوده هونه رمه ندگه له سه که هه م ده نگی فره خوه ش بیه وه هه م شعره کانی حین خوه ی بیه. هوره چرین له منطقه گوران باوه وه ته ره ف داریچی فره س هوره چر فره هه س وه سابقه ی هوره چرین دیرن و ده نگیانیچ خوه شه، وه لی واقعا مه رحوم کاک ئه ولعزیز استثناء بی.

من یه کی له ئه و کسگه له مه که فره له ده نگ مرحوم کاک ئه ولعزیز حه یده ری خوه شم تیت وه حه ر وه ی خاتره وه پاس احترام و قه یر زانین ئه را ئی هونه رمه نده یه کی له نواره کانی که له سال 1364 چریه سه ی شعره کانی بخه مه سه ر کاغذ تا خونه ره یل ئه زیز بزانن کاک ئه ولعزیز چه جور هونه رمه ندیک بیه، چونکه متاسفانه فره له مه ردم کورد له شعره کان که وه هوره ویشیه ت حالی ناون. من خه مه ی سه ر کاغذ تا گشت بزانن مرحوم کاک ئه ولعزیز هه م ده نگی خوه ش بیه هه م شاعر بیه. من له بنه ماله ی مرحوم کاک ئه ولعزیز مخصوصا کوره ئه زیزه کانی تقاضا دیرم که نگران نه ون چون من ئی کاره وه بی اجازه ی ئه وان کردمه سه ی،ئی کاره ته نیا وه خاتر احترام وه روح پاک و به رز ئی هونه رمه نده ئه نجام دامه.

هه روه ی جوره که خوتان خوه نینه ی موضوع شعره کان ئی هونه رمه ن ده له ی نه واره، گله ی و گازنده وه انتقاد له فه له ک، که ی که هه مان آفه ریده ی جه حانه و له بی عداله تی و ظلمی ویشی. من بیشتر له سه ری ته وضیح نایه م امیدوارم خونه ره یل ئه زیز خوه یان بخوه ننه ی وه بزانن چه وتگه. داوا که م له سایته یارسانیه کان گوشه یک له سایته کانیان اختصاص بیه نه هونه ر مه خصوصا هوره..

من چه بکه م له ده س چه رخه که ی گه ردون

بنده ی بیچاره کردگه سه رنگون

نه قه ومو نه خویش نه فامیل خاسم

گشتی وه درو زانن گفتار راسم

فه له ک وه یته وره له لیم چیه که مین

فامیل و قه ومه یل لیم چینه سه قین

نه کوتا خزمه ت نه که ج ره فتارم

فه له ک وه ی ته وره شیو خسته کارم

نه نانم تاله نه ده سم بی نمه که

له ظاهر تاله چون کار فه له که

بنده ئه ولعزیز فه له ک زه ده ی ده ورم

که س باوه ر ناکه ی وه زه جرو جه ورم

دلسوز قه ومم هه م خزمه ت گذارم

پاداشت نه یرتن خزمه تو کارم

هه م دلسوز قه وم هه م بیگانه و خویشم

وه ی ته ور مالومه ره نج بی سود کیشم

فه له ک قه سه مت ده م وه بزرگواری خوه ت

ره نج وه باد نه که ی به نده ی بیچاره ت

فه له ک قه سه مت ده م وه چه رخه که ی ده ست

ره نج وه باد نه که ی به نده ی بی که ست

فه له ک ئی جور مالومه چهرخت چه پ گه رده

نه عداله ت دیری نه قسه ت شه رته

فه له ک کام گولت زه ردو خار نه کرد

کام ره نج و رجوت سیاه و تار نه کرد

کام نه وجوانت نه کوشت وه حسره ت

وه کی نیایتن تو ره نجو مه ینه ت

سه ر جغه ت له سه ر کام شاه لا نه ورد

کام فه رمان فه رمات وه گدا نه کرد

دلت له سه ر به خت کی نه که نده وه

زه مانه ت له ده س کی نه سه نده وه

دل کام عاشقت له خه م که یل نه کرد

تو کام فیلسوفت وه مجنون و له یل نه کرد

په ره ی کام گولت وه خه زان نه کرد

کیت داخل وه چاه ی که سنه زان نه کرد

بالا و جه سه ی کیت وه ضعیف نه کرد

ئاوازه ی خوه ش کیت وه خه فیف نه کرد

بالای کام جوانت نه چه مانه وه

کویره ت (کوره) له ده رون کی نه ده مانه وه

له خوه شی دوران کیت ره نگ زه رد نه کرد

تو کیت له ی دنیا داخل درد نه کرد

فه له ک دیده ی کیت پر له ئاو نه کرد

خاست وه قسمه ت کام خراو نه کرد

کام ناز په روه رده ت وه بی ناز نه کرد

ده روازه ی مه ینه تت په ی کی واز نه کرد

کیت موختاج وه لای نامه ردان نه کرد

کیت په ی لقمه ی نان سه رگه ردان نه کرد

کام باخه وانت دویر له باخ نه کرد

وه مور مه ینه ت دل کیت داخ نه کرد

کام قرمز پوشت نه کرده ره ش پوش

کام طلای پاکت نه کرده مس جوش

داخت صاف ناوت به رز با مه دار

تیر تو له جه رگ کی نه کردگه کار

چراخ کام مالت نه کوشانه وه

مال کیت جور گه رد نه پشانه وه

چه شه و چه روژ چه جه م چه ته نیا

فه له ک کلاوت وه سه ر چه که سی نه نیا

خو قویته نه خواردی له ده ریای خه مان

سه تو نه خواردیته خه مان جو ر که مان

تو له شون مه ینه ت سزات نه کیشاه

جه رگت له تانه ی ره فیق نه ئیشاه

له مه کته ب خانه ی ئاخو ده ردو خه م

تحصیل نه کردیته یا زیاد یا که م

له کونج زندان واسواسه ی خه یال

نه نوسای شه ربه ت سول و ترش و تال

لاقه یتیت له خه م بی خه وه ر له درد

هه نوز نه کیشایته هه ناسان سه رد

گردون چه رخه که ت بی خه م نه گیه لای

ئاوی و ده یمه کال جو یه ک مه کیه لای

فه له مک خو تو نه ره نجیه ی تا بواچم وه پیت

هه تا قیامه ت گله ی که م له لیت

فه له ک ئیسه په ی من ناگوری حالت

له خوه ت ته له ب دیرم ویران بوت مالت

کام خانه واده ت ریشه که تن نه کرد

خه رمان شادی کیت وه شه ن نه کرد

شیشه ی آره زوی کیت نه یا له سه نگ

په ره ی کام گولت تو نه یا له ره نگ

وه خاک نمناک کیت نه شارده وه

ئه و سه ر که سه ی کیت نه خوارده وه

فه له ک له به ش مه ینه ت وه کی نه کوشای

باده ی غه ریبی وه کی ننه نوشای

فه له ک کیت ره نگ زه رد ناو هاومالان نه کرد

کیت زه لیل وه ده س خه یا لان نه کرد

ناز چه ن نازارت وه هه م نه شیوان

مه غز و که له ی کام عا قلت نه لیوان

نه مام کا م باخچه ت تو بی ئاو نه کرد

دل کام دل دارت تو وه ئاو نه کرد

دل وه چه ت خوه ش که م کونه ی کونه سال

ده ب ده به ی شادی کی نه کردی به تال

کیت نه کرد مایوس ناو مالو منال

قاپت له پای کی نه کرده خر خال

تویچ هه ر وه ک من کزه ی جه رگت بو

جور من ویل و سه رگه ردان سیای به رگت بو

جه رگت جور جه رگم پاره پاره بو

چاره ت جور چاره م سیاه چاره بو

دیده ت جور دیده م دایم نمناک بو

سینه ت وه مه ودای مه ینه تان چاک بو

چاوت جور چاوم بیدار بوت له خه و

دل خوه ش نه نیشیت نه روژو نه شه و

فه له ک جور من دایم چاره ره ش بیت

جور من له شادی دنیا بی به ش بیت

فه له ک ده رد دلت تو بویشه وه پیم

ئه را چوتر ده ور دنیا بسایتن له لیم

هه رجایک من چم مه ینه ت وه کولم

همرای وه حشیان چول گه رد چولم

یا ره بی فه له ک ژیرو زه به ر بیت

جور من گیروده ی زام خه ته ر بیت

بشیر امیرخانی فنلاند 24.1.2007