له اشعار شاعر عزیزمان کا ئه مین سهرابی گوران ..گشتمان شنگالیم له ی روژ تنگه..تفنگ هل گرن روژ نبرده

هامسران شنگال

بلین و هاوار یاران شنگال

دویکه قتل عام حلبچه و انفال

ایمرو ژنو ساید کوبانی و شنگال

ایمرو روژ سخت روژ پیکارن

کردستان و دست ظلم گرفتارن

دنگ وا ویلا و شین بی کسان

بلیسه ش چرخ هفتمین سزان

زوانم قاصر قلم بی نزن

له بی دسلاتی سرم سر کزن

له خوین دیاکو هان له رگانم

پوسه پی شنگال زار و حیرانم

خوین هاو خوینم مریژو له سر

و دست عرب پست نا بشر

پی چی نسوزم پی رنگ زردی کورد؟

پری او ژنه دو گیان بی و مرد

پری منالان یتیم و یسیر

پری آفرتان له بند زنجیر

پری فروشتن ناموس کوردان

پی جهاد نکاح عده ی نا انسان

پری جوانان ناکام له ژیان

پی خمی قامت پیران چون گوچان

گشتمان شنگالیم له ی روژ تنگه

تفنگ هل گرن روژ نبرده

امین چمانت واژ بکر له نو

التجام بور و شای داله هو

سهرابی ستم تا و سر نین

مژده ی آزادی و شادی سر بین

تاریخ 2014.8.13