له سرود آسیدفریدون حسینی له وه سه ف سراو زمه کان

له سرود آسیدفریدون حسینی له وه سه ف سراو زمه کان

« زمکان »
وه شه ن پاییزان ، جه لێو زمکان
چه نی هاوڕێان رفیقان دوسان
زمکان ئه ێ سه راو ، ژیان گوران
وه ش ئامای وه خه ێر وه سه رو چه مان
ئاو پاکه که ت حه یفه ن ، بوو لێڵ
جه وه خت کوچ ئێلیاتی وئێڵ
وه ختێ ئاوه که ت ملو نه باخان
گاواره ی گوران، مه وو، چراخان
سا و خۆمساری ، چه نی ساو گۆڵاو
ماچی هه ساره ن ، روشن چوین آفتاو
چناران به رز ، سه رسه وز،سه رمه ست
باێ شه ماڵ شانه ش ، که رو ، هه ر وه ده ست
گه ڵا و له ق داران چوین گیسوی لیلی
تا سه ی توم که ردن فراوان خه یلی
ئاخ وداخ زمکان هه ێ ڕو هه ێ ڕو
نه زانم وه یطور من په نه م مه یو
ڵافاو غریبی هاما ، ویه ک سات
وستش نه گیجاو ، ڕای هات ونه هات
وه گیان وێت زمکان تا سه تم که رده ن
زویخ وزام دنیا که مم نه وه رده ن
ظلم حاکمان جور زمانه
دوبرام ش به رد وبی بهانه
باخ وبوسانمش که رد و بیاوان
زویخش دا، وه ، وه رد، داێه وباومان
داخ په ی نجه که ی ته مویره ی « قروان »
که ڵام سه رته رز سه ی ولی گوران
ده نگ ته رز روسه م لالو به ێه رخان
جه جمخانه و ، وه ر تارمه که مان
فه ڵه ک فه ن باز بێ بنچینه وبه رد
په ێ چێش یارانت جه من جیا که رد؟
ئیستا من غه ریب ولاتان دویر
جه چه مم نه ما ، نه ئه سر و نه نویر
فکرم هه ن جه لاێ ، کۆنه هه واران
به زم ته مویره چوین جار جاران
بوی عه تر نیاز، و نذر خاونکار
ده نگ که ڵام «هه ێ ده ێار ده ێار»
کانی هانی تا، قه سلان وه ش بو
طواف یاگار ذات بی ڕجو
جه م وجه ماعه ت مردم یارسان
سه فه ر، و ه ، ته کیه ی سه ی براکه ی گوران
وه شه ن ته مویره و که ڵام یاران
جه ، سێ ، ته شاوی و کوانگ ذات داران
فریدون خه مین مه نیش وه ماته م
به شت، هه ر مه نن ، نه دڵێ جه م
چوین کعبه یارسان جم یاریه ن
هیچ فه رقش نیه ن ره دا باریه ن
وه ختێ وه دڵ پاک بنیشی وجه م
چه خاک گوران یا ته مام عاڵه م
هه فتن هه فته وان حاضره ن یه کسر
وه فه رموده ی حه ق ،که لام وده فتر
په وسه ، امیدم هه ن ویادگار
وشاه ابراهیم ، شای بوزه سوار
باورو ، وه دی ، ئاوات یارسان
وناز ره وای سی براکه ی گوران
سیدفریدون حسینی . نروژ . نوزدهم مهر نوودوسه .11.10.2014
توضیح بعضی از کلمات درشعر:
« زمکان » نام رودخانه ای زیبادر منطقه ی گوران است که ازدره ها وکوه های روستای « توتشامی» سرچشمه می گیرد وبعد از گذر از روستای « گوراجوب» به گهواره گوران می رسد وسخاوتمندانه باغات ومزارع را آبیاری می کند.
«سا و خۆمساری ، چه نی ساو گۆڵاو»: سیب خوانسار و سیب گلاب دو نوع از معطرترین وبهترین میوه های گهواره هستند که در این شعربه آنها اشاره شده.
« قروان » یا قربان ، نام برادر بزرگم بود که درسال 1361شهیدشد.
عکس ضمیمه : تصویر « زمکان » درمنطقه ی گوراجوب درسال 1387