له اشعار شاعر عزیزمان کاک کاوه خسروی له وصف کوبانی

له اشعار شاعر عزیزمان کاک کاوه خسروی له وصف کوبانی
کوبانی
با جەهان کەڕ و کوور

وە قوڵپ خۊن زامەگاند بخەنێ
لە ناو پاخواێگ نەفت سییە
ئی شان ئەو شان خوەێ بگەوزنێ
تا وە شەرمەزاریی
پەستتر لە پەستی
لە ناو خوەێا بگەنێ.
نازانم تاواند چەس؟!
ئیجوور بێکەس‌کوشد کەن
سەراپاێ جەسەد کەنە زام
لە پشت پەردە گەلەکومەس ئەڕاد و
وە ئاشکرا تاق‌تەنیا
گیرودەێ دەس ...
ڕیشدرێژ دەێدامد کەن.
دڵنیا بە
ئی دام و دەێدامانە
ئی خەیانەت و گەزەێ مارانە
لە هۊرمان ناچوو
لەوەر چەومانە.
دنیا دەوراندەورە
تو پرش نۊریدن
دوژمن پەڵەێ هەورە
لە بانان نزیک،
خوەر ئازادی حەکیم زامەگاندە و
ڕوڵەگاند لە جێ تفەنگ
چەپکەگوڵ گرنە دەس
دۊەتەیل وە ناز و جوانی
کوڕەیل وە بەزم و شادی
ئەڕا دنیا چڕن
میلکان عشقە کوبانی.
کاوە خوسرەوی 2014/10/07