ئافات
شێعر: کاوە خوسرەوی (کوردان یارسانی )
ڕوژگـــــارەیل زۊ زەمــــان پـــاکــــی
ئــایەمــەیـل ژیـان سـاکار و خـاکــــی
دەوران دەوران ڕاس ڕاســـــی بـــــی
کـردار ئایــەم تـەنــــیا خــاســی بــــی
دەر مــــاڵــەگـــان نــەیــاشـــتن کـلــیل
ئاســـارێ نــەوی ژێردەســتە و زەلیل
گـیــانــداران لـە ژێــر ئاســـمان کـەو
شــەوان بـێخەێاڵ چـەویان چـیادە خەو
نــوقـم خـوەشی بی دۊمــانەی بەشــەر
لە هیچ کوو نەوی دەنــگ تەپــڵ شەڕ
دەوران هات و چی وای خەزان جمیا
ســەرای خــوەشبەختی ژیان داڕمـــیا
ئـــافـــات شــوومــێ لــە ڕێ دۊرەوە
خوەی لـــکان وەقـــەی پرش نـۊرەوە
پەتـــای خۊنڕشتن خـــستە ئی نــــاوە
فــــریشـــتە نـــەمـــا هوکـــم قەســاوە
مەس و سەرخوەشن وە مەرگ ئنسان
هەست و وژدانێیان سافتر لە هەســان
ئیمڕو ئاشتی کەن سوو دوارە جەنگە
پـــەێامێــان تــەنــیا بارۊت و شەنـگە
لـە سـایەی ســـەرێیـان وڵات ئـــایـەم
قـەتـڵــگای ئـشــقە هەمیــشە و دایــەم
خــوەشــبەخـتی خـەوە ژیـــان ئـاواتە
دڵــخوەشـی نـەمــا لـەی سـەربســاتـە
مــنیش دڵـەگەم هـــەر وەی خــەیـاڵـە
چــەوەڕێ خـەوەر پــەیـک هەواڵـــە
بـۊشـــێ بـنووڕە دنــیا جوور جاران
بیـەسەوە بەهــەشت نەسڵ گیانـداران
Keine Kommentare:
Kommentar veröffentlichen